Mange lærarar opplever i dag utfordringar knytt til relasjonelt arbeid i skolen, blant anna som følgje av strukturelle endringar i skolen eller eit stort elevmangfald.
I dette lunsjseminaret vil vi presentere og diskutere resultat frå eit forskingsprosjekt om kva som fremmar gjennomføring i vidaregåande opplæring, der rolla til yrkesfaglærarane har vist seg å vere svært sentral.
Vi presenterer funn relatert til betydninga av det relasjonelle arbeidet til lærarane for gjennomføring i vidaregåande opplæring, og diskuterer faktorane som mogleggjer det relasjonelle arbeidet til lærarane med elevane.
I tillegg fortel Hanne Paulsen og Kristine Lindholm, to yrkesfaglærarar ved Ulsrud vidaregåande skole og masterstudentar i yrkespedagogikk ved OsloMet, korleis dei konkret jobbar med relasjonar i skolekvardagen. Prodekan for forsking og utvikling, Sølvi Mausethagen, avsluttar seminaret med ein kommentar.
Målgruppa for seminaret er alle som jobbar i skolen, lærarar, avdelingsleiarar, lærarstudentar, og dessutan tilsette i fylkeskommunar.