Har vi råd til den omfattande utanforskapen? Er det på tide å lære av oljefondet, og etterspørje meir aktiv forvalting av humankapitalen vår? Vi inviterer til samtale under Arendalsveka.
Vi snakkar stadig om korleis vi skal forvalte oljepengane for å auke og få mest mogleg ut av denne formua, og har etablert oljefondet, eller generasjonsfondet som det også blir kalla, for å sikre at framtidige generasjonar også skal få utbyte av verdiane vi har i dag.
Oljefondet utgjer snaue 10% av nasjonalformua vår, medan verdien av noverande og framtidig arbeid utgjer 74%. Likevel snakkar vi ikkje om korleis vi skal forvalte humankapitalen vår, så å seie sette den i arbeid, til beste for fellesskapen. Når 20% av denne formua ikkje er i bruk (fordi så stor andel av befolkninga i arbeidsfør alder står utanfor arbeidslivet) tilsvarar det heile oljeformua og finanskapitalen vår, og det er naturleg å spørje om vi har råd til å delvis la den stå urørt.
Det er bakteppet for ei samtale mellom sentrale aktørar i samfunnet og arbeidslivet under Arendalsveka. Samtala vert innleia med mellom anna desse innspela:
- Nasjonalformua – frå passiv forvalting til meir risikovilje? v/Tuva Moflag, fraksjonsleiar, Arbeids- og sosialkomiteen (Ap)
- Frå passiv til aktiv forvalting av humankapitalen v/Hans Christian Holte, direktør, Nav
- Korleis bør vi investere for å få eit samfunn der alle får muligheiter til å delta? Kva for avkasting kan vi forvente? v/Roger Bjørnstad, sjeføkonom, LO
- Korleis kan næringslivet skape verdiar ved investering i redusert utanforskap blant unge? Kva for avkasting kan vi forvente? v/Øystein Dørum, direktør for samfunnsøkonomi, NHO
Etter innspela følgjer ei samtale med temaet «Nasjonalformua: Utanforskapet – vår største unytta ressurs?»
Desse deltek:
- Tuva Moflag, fraksjonsleiar, Arbeids- og sosialkomiteen (Ap)
- Hans Christian Holte, direktør, NAV
- Roger Bjørnstad, sjeføkonom, LO
- Øystein Dørum, direktør for samfunnsøkonomi, NHO
Torbjørn Røe Isaksen, samfunnsredaktør i E 24, leier samtala og leier oss gjennom heile programmet.
Det strømmes på nett. Mer info her: https://www.facebook.com/events/6230465783733979/?ref=newsfeed